നമ്മൾ വളരെ ബുദ്ധിമുട്ടുന്നു കഴിഞ്ഞു പോയ കാര്യങ്ങൾ മറക്കാൻ. മറക്കാൻ സാധികില്ല പക്ഷെ അതിന്റെ വേദനയിൽ ജീവിക്കാൻ സാധിക്കും. എന്തിനു ഇത്ര ബുദ്ധിമുട്ടി വേദന സഹിച്ചു ജീവിക്കുന്നു, നിന്റെ ജീവിതം തീരുമാനിക്കേണ്ടത് നീമാത്രമാണ്, അല്ലാതെ അപ്രതീക്ഷിതമായി വരുന്നു മരണത്തിനു വിട്ടുകൊടുക്കാൻ ഉള്ളതല്ല നിന്റെ ജീവിതം. മരിക്കാൻ ആഗ്രഹം ഉള്ളവർ മരിക്കട്ടെ, പക്ഷെ ഒരു കാര്യം ഓർക്കുക നിന്റെ ഭാവി എന്തെന്നു നിനക്ക് അറിയില്ല, അതു എപ്പോളും മനസിലുണ്ടാകണം. ജീവിക്കുന്നത് ബുദ്ധിമുട്ടുള്ള ഒരു കാര്യമാണ് പക്ഷെ മരിക്കുന്നത് വളരെ എളുപ്പവും, എന്ത് ചെയ്യണം എന്നതു നിന്റെ തീരുമാനമാണ്, ബുദ്ധിമുട്ടാണോ എന്ന് നിനക്ക് തീരുമാനിക്കാം, അതിനുള്ള സ്വാതന്ത്രം നിനക്കുണ്ട്.
മരണത്തിനു അപ്പുറം ഉള്ള ലോകം ഞാൻ തേടുന്നു, പക്ഷെ എനിക്ക് ഒരിക്കലും അതു ലോകത്തോട് വിളിച്ചു പറയാൻ സാധികില്ല, അല്ലെങ്കിൽ ഞാൻ മരണത്തിൽ നിന്നും ഉയർത്തെഴുനെൽക്കണം, അതിനു ഞാൻ പൊള്ള ആയ കഥയിലെ യേശുക്രിസ്തു അല്ല, പലപ്പോഴും ഞാൻ ചിന്തിക്കും, ഇതെല്ലാം വെറും തോന്നലാണോ എന്ന്, പക്ഷെ ഞാൻ ചിന്തിക്കുന്നതിനും അപ്പുറമാണ് യാഥാർഥ്യം. ഞാൻ യഥാർഥ്യത്തെ വെറുക്കുന്നു, ഞാൻ കാണുന്നതിനെയും അറിയുന്നതിനെയും ഞാൻ യഥാർഥ്യമായിട്ടു അംഗീകരിച്ചാൽ മാത്രമേ, അതു എനിക്ക് യാഥാർത്ഥയമാകു.
സത്യം അന്വേഷിക്കുന്നത് എപ്പോളും നല്ലതാണ്, പക്ഷെ നീ അറിഞ്ഞതല്ല സത്യം എന്ന് നീ അറിയുമ്പോൾ നീ സത്യത്തെ വെറുക്കും, നീ നുണകഥകൾ കൊണ്ട് സത്യത്തെ മറയ്ക്കാൻ ശ്രമിക്കും, കഥകൾ മെനയുന്നതിൽ ആരും അത്ര മോശക്കാരല, അതു മറ്റുള്ളവരെ വിശ്വസിപ്പിക്കുന്നതിലാണ് നിന്റെ മിടുക്കിരിക്കുന്നത്, അവിടെ നീ വിജയിച്ചാൽ നീ ജീവിതത്തിലും വിജയിക്കും, പക്ഷെ ഒരിക്കൽ നീ പറഞ്ഞ കഥകൾ നിനക്ക് തന്നെ ശാപമായി മാറും. അന്ന് നീ സത്യത്തെ വെറുക്കും.
No comments:
Post a Comment